Aisia eta kirola

Ezpeldoia Kiroldegia

Pilotaleku handi harmailadun batek osatua dago. Pilotan, frotenisean eta palan aritzeko aukeraz gain, futbolean, saskibaloian eta beste kirol batzuetan joka daiteke. Kiroldegiak aldagelak ditu eta udal igerilekuetarako sarbidea ere bai. Halaber, taberna zerbitzua dago.

Udal igerilekuak

Igerilekuak ekainean ireki eta irail hasieran ixten dira.
Badago igerileku handi bat eta beste bat pilisti plastakoa haur txikienentzat.
Halaber, badira berdeguneak eta taberna-jatetxea.

Murieta igerilekuak: prezioak

Murietako udal igerilekuak 2023ko ekainaren 16tik irailaren 17ra arte irekiko dira.
Bainu-orduak 11:00etatik 21:00etara bitarte izanen dira. Egunero itxita egonen dira 15:00etatik 16:00etara instalazioak garbitzeko eta sorosleek bazkaltzeko aukera izateko.
Abonuak eta sarrerak kiroldegiko tabernan daude salgai.

Prezioak ez dira hainbat urtetan eguneratu, eta osoko bilkurak prezio hauek ezarri ditu aho batez:

Haurrak ( 0 – 5 urte)	Sarrera: doan
Haurrak (6 urtetik 13ra bitarte)	Sarrera: 3,5 € Hilabetea: 20 € Denboraldia: 25 €
Gazteak (14 urtetik 17ra bitarte)	Sarrera: 4 € Hilabetea: 25 € Denboraldia: 30 €
Helduak (18tik gora)	Sarrera: 5 € Hilabetea: 35 € Denboraldia: 45 €
Erretiratuak	Sarrera: 4 € Hilabetea: 30 € Denboraldia: 40 €
Langabeak eta desgaituak	Sarrera: 4 € Hilabetea: 20 € Denboraldia: 25 €

Argazkiak ekarri beharko dira abonuetarako.
Familia-liburua eta/edo NAN aurkeztu beharko da adinak frogatzeko.
Erretiratuek, desgaituek eta langabeek beren egoeraren gaineko ziurtagiria aurkeztu beharko dute (langabeek, INEMen langabe ziurtagiria ).
6 urtetik beherakoek ez dute ordainduko, eta gurasoak edo tutoreak uneoro izanen dira haien segurtasunaren arduradun.

Haur parkeak

Estelares parkeko zabuak

Zabu multzoa Estelares parkearen sarreran dago. Haur parkea ederki hornitua dago eta guztiz egokia da haurrak josteta seguruan aritzeko. Baditu txirristak, dorre bat, zurezko zubi bat, eskalada-sare bat eta rokodromoa, bai eta zaldiko bat eta zabuak ere.

La Verónica haur parkea

Haurren dibertsioa funtsezkoa da. Verónica kalean kokaturiko parkeak hainbat azpiegitura ditu herriko aisia dinamizatzeko. Murietako haur parke honetan badago etxola txirristaduna , eta erle itxurako kulunka bat eta hainbat zabu ere bai.